Рудный қаласы «№ 19 орта мектебі» КММ
«Отбасы — бақыт мекені» атты аптасы аясында атқарылған іс-шаралар туралы ақпарат.
Рудный қаласының №19 орта мектебінде отбасы күнін мерекелеу қарсаңында «Отбасы — бақыт мекені» атты апталық 6-14 қыркүйек аралығында өткізілді.
Отбасы күнін өткізудің басты мақсаты – отбасы мәселесінің маңыздылығына, отбасы құндылығына және дәстүрлеріне қоғамның назарын аудару болып табылады. Соның негізінде жоспар құрылып бір қатар іс-шаралар өткізілді. Атап айтсақ, 1-4 сыныптар арасында «Әкем, анам және мен» спорттық сайыс өткізілді. Сайысқа қатысқан отбасылары өздерінің шапшаңдықтары мен спортқа жақын екендігін көрсетуге тырысты. Жеңімпаз деп танылған отбасылары мақтау қағаздарымен марапатталды.
5-6 сыныптар үшін «Отбасыммен бақыттымын» атты фотоконкурс жарияланып, балалар отбасымен түскен жақсы суреттерін мектеп залына орналастырды. Үздік деп танылған фото иелері мақтау қағаздарымен марапатталды.
Ал, 7-8 сыныптар арасында «Ата-ананы құрметтеу-борышың» атты сынып сағаттары өткізіліп, ата – ананы құрметтеу тақырыбында бейнероликтерді оқушылар қызыға тамашалап, тәрбиелік — мағлұматтар ала алды.
9-10 сыныптар үшін «Отбасы құндылықтар-жақсы тәрбие бастауы» ата-аналар жиналысы ұйымдастырылды. Балаға берілетін отбасы тәрбиесі туралы әңгіме қозғалып, ата-аналар өз ойларын плакатқа түсіріп айтуға тырысты.
Сонымен қатар, мектеп психологы ата-аналармен «Бақытты отбасының құпиялары» тренинг өткізді және ата-аналар психологқа өздерін қызықтырған сұрақтарын қойып, жауаптарын ала алды.
«Жас ұлан» балалар ұйымының ұйымдастырған «Жүрек сыйла» акциясында оқушылар ата-аналарға жақсы сөздер жазылған жүрекшелерді сыйлады.
